“Asgjë nuk erdhi rastësisht deri këtu. Rezultatet konkrete të fëmijëve tanë falë terapisë  në Qëndrën Rajonale për Autizmin në Farkë, në bënë jo vetëm krenar për arritjet e tyre por edhe më shpresëplotë dhe vizionar për ecurinë e tyre në të ardhmen. E këtë fuqi, këtë herë e gjetëm tek potenciali I pa imagjinushëm që këta fëmijë kanë në disa fusha të caktuara, tek talenti me doza perfekte e gati të pabesueshme, tek dhuntia me prejardhje gjeniu, që ata na i kanë ofruar gjatë orëve të gjata të terapisë. Janë prirje që ju vijnë natyrshëm dhe shumë rehatshëm nga bota e tyre e bukur në fusha të tilla si pikurë, muzikë, informatikë, lexim etj,  të cilat për të mos I lënë pa formën dhe përmbajtjen e duhur artistike kanë nevojë të vashdueshme  për mbështetjen e profesionistëve të vërtetë”.

Pra kjo qendër është një shtëpi, është një shkollë, është një qendër terapeutike, është vendi që do t’u ofroje fëmijëve dhe prindërve ngrohtesi dhe motivim për të fuqizuar potencialet dhe për të ndërtuar zotësitë e ditëve kuptimplota. Këtu stafi I trainuar nga ekspertë mjaft të zotë nga qendra partnere në Amerikë e Kuvajt, do të punojë me fëmijët e moshës shkollore, ku nëpërmjet terapisë, lojës, aktiviteteve vokacionale dhe argëtimit, pergjatë cikleve  3 orëshe të shtrira nga mëngjesi e deri në darkë, bëhet nismetare e aplikimit të metodave më bashkëkohore të ndërhyrjes dhe trajtimit.

Kurset që ofron qendra janë: 1-Terapi (individuale+grup); 2-Logopedi; 3- Fizioterapi; 4- Pikturë; 5- Laborator Informatike; 6-Muzikë; 7-Parukeri; 8- Guzhinë; 9-Rrobaqepsi; 10- Fiskulturë; dhe 11- Kopshtari.

Mjedisi social dhe fizik I ngritur dhe organizuar në funskion të këtyre kurseve, mundëson jo vetëm mësimdhënie vizuale të praktikave dhe teknikave të fushës, por edhe vënien në jetë të tyre nga vetë fëmijët me qëllim përsosjen e dhuntive, nxitjen e talenteve dhe konsolidimin e një profesioni për të ardhmen.