T’i mbështesim Sot, që të jenë të pavarur Nesër!

/in /by

T’i mbështesim Sot, që të jenë të pavarur Nesër!

Një dekadë me parë pothuajse të gjithë kemi qënë të pa informuar ndaj fenomenit të Autizmit që heshturazi prekte fëmijët, që mbyllte e invalidizonte shpirtërisht e fizikisht familje të tëra e që stigma e ndjenja e fajit i detyronte të bënin pikërisht atë që nuk duhej në emër të dashurisë prindërore – heshtjen dhe fshehjen e fenomenit.Ndjenja e dhimbjes pasigurisë, frikës, shkatërrimi ekonomik përballja me të panjohurën, jetonin së bashku me një shoqëri të pa informuar që jo vetëm nuk e njihte fenomenin, por as e pranonte atë e si rrjedhojë as nuk dinte se si duhet të ndihmonte.Sot kjo i takon një të shkuare jo të largët, por përsëri jemi larg asaj që duhet e kërkohet.

Vite me parë nuk kam menduar se në një hark kohor kaq të shkurtër do mund të realizonim një progres që me krenari e gjykojmë të veçantë ashtu sikurse me shumë realizëm jemi të bindur sa shumë të tjera mbeten për t’u bërë.

Hapja në datën 2 Prill, Ditën Ndërkombëtare të Autizmit të qendrës terapeutike për Autizmin në Kukës, i dha fund dilemave tona seTirana do mbetej oazi i vetëm për një numër të kufizuar fëmijësh, duke dhënë shpresa e mbështetje tek prindërit. Modeli i punës në Tiranë përdoret dhe në qëndra të tjera si Korçë, Elbasan, Strugë etj. Stafi që do të ofrojë trajnimin për terapistët e qendrës së Kukësit do të jetë i përgatitur nga një grup i trajnuar profesionalistësh nga organizata më e madhe “Autism Speaks”.


Parametrat e shërbimit do të konsolidohen gradualisht me metoda e praktika që bëhen në Tiranë të ndihmuara nga specialistë të fushës nga Shtetet e Bashkuara të Amerikës. Për herë të parë pas një periudhe dy vjeçare Fondacioni Fëmijët Shqiptarë në bashkëpunim me studiues të Universiteteve Amerikane arriti të përgatisë një DVD që iu mëson prindërve në mënyrë graduale hap pas hapi si të punojnë me fëmijët e tyre. Shumë shpejt kjo DVD do të mbërrijë në familjet më të largëta si një program terapeutik autodidakt për prindërit që nuk mund të frekuentojnë qendrat.

Kjo DVD do të shoqërohet me librat përkatës pas testimit që po bëhet nga personalitete të shquara të fushës në ambientet akademike amerikane. Ky studim u shtri në disa rrethe si Tiranë, Elbasan, Korçë, Berat.

Ndërsa tashmë bibliotekës i shtohet libri shumë i rëndësishëm i cili u realizua pak muaj më parë “Përmbledhje me informacione dhe këshilla për 100 ditë”. Libër që do të instruktojë jo vetëm prindërit por të githë ata që do të merren me këtë çrregullim. Ky libër vjen pas përkthimeve të librave të domosdoshëm për prindërit, edukatorët, mësuesit e terapistët.


Fondacioni në vijim të botimive, filloi këtë vit botimin e një cikli librash për fëmijët e këtij spektri që do i ndihmojnë ata të vënë në jetë procese të rëndësishme e të domosdoshme. Ky cikël fillon me higjenën e gojës, proces ky sa i domosdoshëm por dhe i vështirë për të gjithë fëmijët. Në fillim të këtij viti Fondacioni ngriti për herë të parë shërbimin dentar për fëmijët e Qendrave Rajonale për Autizmin në Tiranë. Kjo sepse këta fëmijë ndryshe nga të tjerët e kanë të vështirë qasjen e këtij shërbimi dhe për t’i asistuar në sëmundejt dentare, shërben shumë terapia me ta. Studimet kanë treguar që për të zvogëluar sjelljet fobike që shfaqin këta fëmijë në trajtimin e dhëmbëve duhen aplikuar proçedura të studiuara, prandaj në sugjerojmë dhe propozojmë ngritjen e disa pikave për shërbimin dentar të fëmijëve me autizëm ku Fondacioni është i gatshëm të ofrojë mbështetjen terapeutike të stafit që do t’i shërbej këtyre fëmijëve. Sot këta fëmijë enden nga njëri kabinet në tjetrin për të marrë shërbimin, pasi stomatologët e kanë shume të vështirë të bashkëpunojnë me këta fëmijë.

Me specialistë të fushës pas një studimi serioz Fondacioni Fëmijët Shqiptarë arriti të realizojë skemën e kostifikimit të terapisë se Autizmit. Studimi prej më shumë se një viti i është dorëzuar Ministrisë së Shëndetësisë me shpresën e studimit dhe zbatimit sa me të shpejtë.

Bashkepunimi me ‘Autism Speaks” është një fat i jashtëzakonshëm për komunitetin e autizmit në Shqipëri, por dhe në rajon. Bashkëpunimi me këtë organizatë të fuqishme ndikoi në themelimin në Tiranë të “Rrjetit të Autizmit për Evropën Juglindore”, në bashkëpunim me Ministrinë e Shëndetësisë, ku Fondacioni Fëmijët Shqiptarë luan rolin e sekretariatin për këtë network.


Shërbimeve të ofruara në Qendrat Rajonale për Autizmin të hapura nga Fondacioni Fëmijët Shqiptare sot me krenari themi se rreth 40 fëmijë kanë mundur të kapin strukturat e sistemit publik e atij privat, duke qënë të barabartë e të gjithëpërfshirë me bashkëmoshatarët e tyre. Kjo ëndër gati e paprekshme nga familjaret e tyre, sot tingëllon e zakonshme në sytë e gjithë publikut. Mijëra orë terapie, durim, sakrificë, sot përkthehen në orë dije dhe integrimi.

Por ende mbetet shumë për të bërë në drejtim të ofrimit të këtyre shërbimeve. Dyert e arsimit të jenë më bujare me këta fëmijë. Kopshtet dhe shkollat tona kanë shumë vështirësi për të qënë mikëpritese për fëmijët e këtij spektri, ndërkohë që fëmijët kanë shumë nevojë të integrohen me bashkëmoshatarët. Stigmatizimi dhe diskriminimi, në jo pak raste janë një barrierë lënduese për prindërit e familjarët. Ajo që sot dua të ngre dhe që do ishte me interes për të gjithë palët është formimi i rrjetit të mësuesve asistent, për t’u krijuar fëmijëve me këtë spekter mundësi lehtësuese edukimi e integrimi. Fondacioni Fëmijët Shqiptarë është I gatshëm të japë kotributin e tij për trajnimin e këtyre mësuesve, mbetet vetëm thirrja e ministrisë së arsimit dhe identifikimi i tyre.


Një problem i madh janë mungesat e statistikave zyrtare që vjen si rezultat i mungesës së strategjisë tonë kombëtare. Shpesh gazetarë, por dhe të huaj pyesin sa janë statistikat tuaja, pyetje kjo si shumë të tjera për shkak të shumë të panjohurave që ka ky fenomen, mbetet pa përgjigje. Nisma që morëm 3-4 vite më parë me shërbimet e shëndetit parësor për depistimin në disa poliklinika të Tiranës dha rezultate befasuese. Një fluks jo i zakonshëm prindërish u paraqitën në qendrat tona për vlerësim. Fëmijët që u diagnostikuan me çrregullime të spektrit autik hynë në rrugën e trajtimit, por kjo mbeti vetëm e lokalizuar. Mendoni çfarë efekti do kishte ky studim me fokus depistimin nëse do të shtrihej në gjithë sistemin parësor të vendit.


Kardhur koha që shoqëria të mos lëshoj vetëm pasthirrma mëshire dhe keqardhje, por të dijë që ka dhe detyra ndaj ketij fenomeni. Sot është momenti të shtrojmë dhe një pyetje tjeter, por për të gjithë ata që janë në moshë pune si i bëhet? A do vazhdojnë të jetojnë akoma këta prindër mes hallit se çdo bëhet me femijën tim kur une të mos jem më? Ky fenomen i dhimbshëm e i vështirë kërkon më shumë mund, njohuri e përkushtim prej shumë aktorësh.

Të bëhemi bashkë – thotë rezoluta e OKB për t’u përfshirë e për t’i dhënë shpresë kësaj shtrese, duke ndikuar nëpërmjet hartimit të ligjeve të buta në mirëqënien e tyre. Prandaj ne duhet të njohim të drejtat e fëmijëve me ketë çrregullim. Të vlerësojmë potencialet që ata kane dhe t’u japim shansin si gjithë fëmijëve për edukim, punësim dhe integrim.

T’u japim dorën SOT që të jenë të pavarur NESER !

Autizmi foli këtë vit nga Kukësi.

/in /by

Autizmi foli këtë vit nga Kukësi.

Në ditën Ndërkombëtare të Ndërgjegjësimit mbi Autizmin u shpall projekti për rikonstruksionin e Qendrës Sociale të Bashkisë Kukës, bashkëfinancim I Programit për Decentralizim dhe Zhvillim Lokal financuar nga Zyra e Bashkëpunimit Zviceran në funksion të fëmijëve me çrregullim të spektrit Autik.

Fondacioni Fëmijët Shqiptarë mbështetës në kompletimim e qendrës dhe trajnimit të stafit.

Autizmi foli sot në Kukës. Për herë të parë shtrirja e shërbimeve për fëmijët me çrregullim të spektrit autik do të jetë edhe veri të Shqipërisë duke e kthyer kështu Kukësin në të parin qytet që përqafon politikat sociale për këtë kategori jo vetëm në dimensionin human por edhe atë institucional.

Kryetari I bashkise Kukës z.Bashkim Shehu gjatë shpalljes se projektit për rikonstruksionin e kësaj qendre sociale tha se në qytetin e tij fenomeni I çrregullimit të spektrit autik është shtuar ndjeshëm vitet e fundit dhe numri I familjeve që kërkojnë ndihmë për trajtimin e fëmijëve të tyre me shërbime terapeutike të specializuara është rritur.

Sipas z.Shehu, Bashkia e Kukësit, Fondacioni Fëmijët Shqiptarë dhe Zyra e Bashkëpunimit Zviceran do të sjellin në parametra modernë këtë qendër për shërbime të standartizuara në programe akademike të çertifikuara ndërkombtarisht.

Dr.Liri Berisha në emër të Fondacionit Fëmijët Shqiptar përgëzoi Bashkinë Kukës për këtë nisëm dhe u shpreh e pakursyer në kontributin e Fondacionit për identifikimin e shërbimeve sociale që do të ofrohen, pajisjen me libra dhe metoda si dhe trajnimin e stafit që do të shërbeje aty.


Mjë mesazh drejtuar profesionistëve lokalë dhe prindërve të ardhur në aktivitet, Dr. Liri Berisha e vuri theksin në gjithëpërfshirjen e këtyre fëmijëve ne strukturat publike arsimore dhe në ofrimin e shërbimeve shëndetësore terapeutike pa pagesë. Integrimi I këtyre fëmijeve është investim për të ardhmen. Le t’u japim dorën sot , që të neser ata të jenë të pavarur- përfundoi znj.Berisha.

Një libër i ri për higjenën e gojës.

/in /by

Një libër i ri për higjenën e gojës.


Fondacioni Fëmijët Shqiptar në kuadër të 2 Prillit, Ditës Ndërkombëtare të Autizmit,  nxori në dritë një botim të posaçëm në lidhje me higjenën e gojës për fëmijët me çrregullim të spektrit autik. Duke qënë një nga problem më vehte shëndeti I gojës tek këta fëmijë, fondacioni nëpërmjet këtij botimi synon të përcjellë informacionin e duhur se si ky proçes , gati I papërballueshëm nga fëmijët dhe prindërit e tyre, të bëhet normal dhe pa sjellje fobike. Ndërkohë pedagogjia vizuale, që ky libër I sjell më së miri me imazhe konkrete për shërbimet ndaj gojës, sot vlerësohet nga studiuesit si modeli më I mirë I përmirësimit të higjenës së gojës tek fëmijët me autizëm. Qëndra Rajonale për Autizmin Nr.2 e ka futur tashmë si praktikë të përditshme këtë shërbim duke mundësuar kështu shëndet oral për fëmijët. Libri shperndahet FALAS .


Gëzuar ditëlindjen Klaud, Ram dhe Ambla…!

/in /by

Gëzuar ditëlindjen Klaud, Ram dhe Ambla…!

Të bashkëjetosh apo të ndash copëza jete nga jeta jote, është ndihma më e vyer që mund t’i japësh një fëmije me çregullim të spektrit autik, për ta bërë atë gjithpërfshirës.

Për këtë qëllim festës së organizuar nga Qëndra Rajonale për Autizmin Nr. 2 për ditëlindjet e fëmijëve Kalud Drazhi dhe Ram Lasku të lindur në muajin Shkurt, ju bashkangjit 11 vjeçarja Ambla Malltezi e cila gjithashtu ka lindur në këtë muaj, duke ndarë së bashku emocione të veçanta për të gjithë fëmijët e tjerë të qëdrës dhe prindërit e ardhur enkas.

Ambla zgjodhi që në këtë festë të organizuar për fëmijët e lindur në muajin Shkurt, të luajë në piano një pjesë nga Aria e operas “Karmen” të Bizes duke krijuar kështu një atmosferë artistike që u ndoq me shumë interes nga të gjithë.

Në një mesazh të shkurtër Amba tha se në të gjitha ditëlindjet, fëmijët janë shumë të gëzuar dhe marrin dhurata . “Unë kisha shumë dëshirë që për ditëlindjen time të bëja një dhuratë dhe kjo është një koncert I vogël në piano për fëmijët qëndrës që kanë lindur në muajin Shkurt”.

Ditelindje te gezuara ngahera…

Ambasadori I ri I Shtetit të Kuvajtit në vendin tonë Sh. Tij Z. Fayez Mishari M. Al-Jassim – vizitë në Qendrën Kuvajtjane për Autizmin dhe Zhvillimin e Fëmijëve.

/in /by

Ambasadori i ri i Shtetit të Kuvajtit në vendin tonë Sh. Tij Z. Fayez Mishari M. Al-Jassim – vizitë në Qendrën Kuvajtjane për Autizmin dhe Zhvillimin e Fëmijëve

Ambasadori i ri i Shtetit të Kuvajtit në vendin tonë Sh. Tij Z. Fayez Mishari M. Al-Jassim, ka vizituar  në fillim vit Qendrën Kuvajtjane për Autizmin dhe Zhvillimin e Fëmijëve, ( Qëndra Rajonale për Autizmin Nr. 2 në Sauk,) me qëllim njohjen e punës që bëhët në këtë qëndër.

Ambasadori Kuvajtian  u prit nga presidentja e Fondacionit Dr. Liri Berisha, e cila e njohu ambasadorin me punën dhe aktivitetet që zhvillon qëndra si dhe me ambjentet ku fëmijët zhvillojnë terapinë okupacionale. Dr. Liri Berisha i shprehu mirënjohjen ambasadorit për ndihmën dhe mbështetjen financiare që shteti i Kuvajtit ka ofruar për ngritjen e dy qëndrave rajonale për Autizmin si dhe për suportin teknik që ofroi në trajnimin e 4 terapistëve gjatë muajit të Autizmit.

Ambasadori Kuvajtian, Sh. Tij. Z. Fayez Mishari M. Al-Jassim, u shpreh i mahnitur me cilësinë dhe standartet e infrastrukturës së qëndrës, duke e cilësuar atë një objekt të rrallë edhe në Rajon, ndërsa vlerësoi punën që bëhej aty si të mrekullueshme . Ai ndoqi nga afër një orë terapie dhe 2 orë terapi okupacionale.

Ambasadori Kuvajtian në Shqipëri shprehu gadishmërinë e mbështetjes nga stafi i ambasadës në ndihmë të fëmijëve dhe terapistëve me qëllim  zgjerimin e shërbimeve nëpërmjet donatorëve të qeverisë kuvajtiane.

Dr. Liri Berisha i dhuroi ambasadorit një pikturë të vogëlushes së talentuar Sara që merr terapi në këtë qëndër si dhe logon e kristaltë të fondocaionit duke e cilësuar atë si Ambasador Nderi për Fondacionin Fëmijët Shqiptarë.

Fondacioni shërbim stomatologjik për fëmijët e dy qëndrave rajonale të Autizmit.

/in /by

Fondacioni shërbim stomatologjik për fëmijët e dy qëndrave rajonale të Autizmit.

Fondacioni Fëmijët Shqiptar hapi në qëndrën rajonale për autizmin në Farkë shërbimin stomatologjik me një kabinet të ri dentar enkas për fëmijët e të dy qëndrave, Ky shërbim do të bëjë të mundur depistimin, diagnostikimin dhe trajtimin e dhëmbëve me probleme tek fëmijët. Kabineti I ri dentar , do të drejtohet nga doktoreshë Olesia Duka nga Klinika “Shendi Dent”,e njohur tashmë për publikun për kontributin e saj për fëmijët me nevoja të veçanta.

Në ditën e parë të hapjes së klinikës Dr. Olesia Duka së bashku me dy kolege që e asistojnë në këtë mision u takua me prindërit e fëmijëve dhe kreu disa vizita depistuese tek fëmijët duke mundësuar kështu edhe hapjen e kartelave për secilin prej tyre.

Pse ky shërbim i ri ?

Fëmijët me autizëm , ndryshe nga fëmijët e tjerë, shpesh nuk janë në gjëndje të tolerojnë ekzaminimet dentare për shkak të frikës që lidhen me pamjet dhe tingujt që prodhohen nga aparati dentar.Kjo e bën trajtimin dentar të tyre një problem më vete. Në përditshmërinë e tyre këta fëmijë shfaqin vështirësi edhe në kryerjen e shërbimit për mbajtjen e higjenës orale duke sjellë për pasojë edhe sëmundshmëri të shtuar me dhëmbët .Studimet kanë treguar se për të zvogëluar sjelljen fobike që këta fëmijë shfaqin ndaj trajtimit të dhëmëve, duhen aplikuar procedura të mirëstrukturuara në paketa të studiaura dhe analizuara.

Ndërkohë pedagogjia vizuale, pra ajo e ilustruar me imazhe konkrete për shërbimet ndaj gojës, sot vlerësohet nga studiuesit si modeli më I mirë I përmirësimit të higjenës së gojës tek fëmijët me autizëm. Për të larguar fobinë e kësaj natyre tek këta femije , Qëndra Rajonale për Autizmin Nr.2 e ka futur tashmë si praktikë të përditshme këtë shërbim duke mundësuar kështu shëndet oral për fëmijët.

Për të kuptuar më mirë se si do drejtohet ky shërbim dhe se çfarë do të përfitojnë fëmijët ne I morëm një inervistë të shkurtër Dr. Olesia Duka .

Dr.Olesia, si lindi ideja për të patur një bashkëpunim të tillë me fondacionin?

Në fakt kjo është një miqësi e hershme midis mamasë sime dhe Dr. Liri Berishës.Thjesht ka qënë një dëshirë e imja e shprehur tek doktoresha para 5 vitesh që gjeti përkrahjen dhe mbështetjen e saj. Duke u rritur në profesion gjatë këtyre viteve falë edhe eksperiencës time në klinikën “Shendi Dent” të hapur prej prindërve të mi, mendova se tashmë isha gati që ti them “PO’ këtij bashkëpunimi e këtij misioni.Ndoshta mund të kishte qënë një bashkepunim më I hershëm, që kur u hap qëndra rajonale për autizmin, por mendoa se vetëm tani ishte koha e duhur për ta bërë këtë., pasi jam marrë 6 vjet me fëmijët krejtësisht vullnetarisht dhe ashtu do të vashdoj të merrem.

Ju thatë se ky është viti I 6-të I juaji që merreni me fëmijët. Pse keni zgjedhur ta bëni këtë?

I jam kushtuar këtyre fëmijëve sepse pikë së pari janë fëmijë dhe fëmijët duhet të ndihmohen.
Se dyti shoh që njerzit janë shumë të tërhequr ndaj mbështetjes së fëmijëve me nevoja të veçanta siç janë ata me çregullim të spektrit autik apo edhe ata me sindromën down, etj. Mua më pëlqen të jap dashuri pa kushte , të jap mbështetjen time dhe ngrohtësi; pse jo kur unë e kam një mundësi nga familjarët e mi. Sikur çdo njeri prej nesh të japë pak nga vetja, kjo do të na bënte të githëve më fisnikë në msionin tonë.

Çfarë pune do të bëhet konkretisht me fëmijët?

Së pari do të ndërtojmë raportin shoqëror mjek-fëmijë.Kjo zgjat disa etapa. Më pas fëmija mësohet me bluzat e bardha , me mjekun , realizohet njohja e plotë dhe krijohet një raport më I besueshëm me fëminë.Më pas arrihet deri na hapjen e gojës nga fëmija që në fakt është e vështirë por jo e pamundur.Së dyti, roli I prindit është shumë I rëndësishëm. Ai është dominant tek fëmija dhe fëmija recesiv tek prindi.Kjo do të thotë që nëse raporti mjek-prind është I realizuar, kjo do të thotë sukses në punën time fëmijët. Pra nëse prindi më ndihmon në procesin klinik , I bindur në këtë process, pasi tek fëmijët me çregullim të spektrit autik, nofulla është pika më e dobet e tyre, atëherë mund të arrijnë ne rezultate të mira trajtimi. Pra bashkëveprimi mjek-prind-fëmijë duhet të sjellë më të mirën për këta fëmijë.

Konkretisht çfarë veçorie kanë fëmijët me çrregullim të spektrit autik në këtë drejtim?

Fëmijët me çregullim të spektrit autik vështirësinë e kanë në hasjen e parë, në takimin e parë. Ata janë fëmijë shumë te zgjuar dhe kanë shqisa shumë të mprehta. Agresiviteti tek këta fëmijë është momental dhe është I menaxhueshëm.Kështu nëse problemi qëndron tek bluza e bardhë, mund të ndërrohet ngjyra e përparses deri sa të bëhesh shok me fëmijën.Nga studimet pasthirma “A” është e para që del tek fëmijët me spektër të autizmit, që do të thotë se pjesa e hapjes së gojës realizohet e bashkëshoqëruar me këtë pasthirrmë.Kjo është faza e parë. Faza e dytë është durimi mes mjek-fëmi-prind.Këta fëmijë duhet të kenë gjithmonë pranë prindin e tyre ose psikologun e tyre klinik.
Takimet do të jenë tre herë në muaj, çdo dhjetë ditë dhe do të jenë të ndarë ne grupmosha. Fëmijët jane te ndare ne dy gupe: 2-6 vjeç dhe 8-10 vjeç. 70% e punës në 6 muajt e parë është proces terapeutik dhe psikologjik. Në 6 mujorin e dytë do të fillojë procesi klinik.

Cili është stafi me të cilin do të punoni ne fondacion?

Stafi përbëhet nga psikologia e fëmijëve Frida Haxhia dhe asistetja ime Brunilda Gjergjani.

Ky bashkëpunim do të jetë kontribut nga ana juaj?

Absolitisht po. Do te jete falas. Këshu do të jetë gjithmonë. Madje përfitoj nga rasti ti bëj thirrje edhe bizenseve, miqve, shokëve e kolegëve që të investojnë sado pak për fëmijët që kane probleme shëndetësore në vendin tonë.

18 Janar 2016

Mësimi i Aftësive tek të Vegjëlit, Një Program për Prinderit.

/in /by

Fondacioni sjell në DVD paketën e re didaktike.

Fondacioni Fëmijët Shqiptarë sjell instrumentin më të ri në fushën e edukimit terapeutik për fëmijët më çrregullim të spektrit autik. Bëhet fjalë për: “Mësimi i Aftësive tek të Vegjëlit, Një Program për Prinderit”, një projekt i cili ka ardhur si bashkëpunim i fondacionit me organizatën “Autism Speaks” dhe Universitetin e “Connecticut” dhe është mirëfilli një kërkim shkencor I sponsorizuar nga “Autim Speaks” dhe Instituti Kombëtar I Shëndetit në SHBA.

Projekti I cili tashmë ka filluar që në muajin Dhjetor të vitit 2014 , vjen në formën e një materiali të përbërë nga 6 DVD për 6 kapituj dhe 4 kapituj tekst bashkangjitur. Ai u mëson prindërve hap-pas-hapi si të punojnë me fëmijët e tyre. Materialet filmike të paketës prej 6 DVD sjellin shëmbuj konkret udhëzimesh dhe procesesh terapie me video-klipe të rregjistruar enkas për këtë qëllim , për të orinetuar drejt dhe saktë prindërit se si të bëjnë gjënë e duhur me femijët e tyre për të patur sukses.

Kjo paketë e çon kështu punën e fondacionit deri në zonat më të largëta të vendit, aty ku shërbimet cilësore do tu duhen kohë për të mbërritur.Kështu familjet që jetojnë në zona të thella dhe që nuk kanë mundësinë e pasjes afër të një terapisti, mund të informohen dhe edukohen nëpërmjet këtij programi shumë të vlefshëm në mënyrë vizuale .

Programi terapeutik I cili besohet se është më I miri në botë aktualisht, është hartuar nga profesoret Deborah Fein dhe Lynn Brennan, të cilat për një pjesë të mirë te auditorit tonë janë te njohura prej librave të tyre të përkthyera e publikuar në shqip, Aktualisht projekti është i shtrirë në 4 qytete: Tiranë, Elbasan, Korçë dhe Berat.

Fondacioni gëzon të drejtën e autorit për tekstit në shqip në mbarë botën si dhe të drejtën e shpërndarjes dhe ripordhimit të këtij materiali për familjet shqip-folëse në Shqipëri, Kosovë, Maqedoni, Mal të Zi, Greqi, Serbi etj.

Organizata “Autism Europe” publikon arritjet e Fondacionit “Fëmijët Shqiptarë”

/in /by

Organizata “Autism Europe” publikon arritjet e Fondacionit “Fëmijët Shqiptarë”

Misioni i Fondacionit “Fëmijët shqiptarë” dhe presidentes, Dr.Liri Berisha ka gjetur jehonë të veçantë tek një prej botimeve më serioze të institucioneve evropianë që merren me fëmijët autikë në Evropë.Misioni i Fondacionit “Fëmijët shqiptarë” dhe presidentes, Dr.Liri Berisha ka gjetur jehonë të veçantë tek një prej botimeve më serioze të institucioneve evropianë që merren me fëmijët autikë në Evropë.

Në këtë artikull ndër të tjera publikohen të dhëna mbi shërbimin dhe punën e jashtëzakonshme që ekspertet dhe mjekët e fushës bëjnë çdo ditë për fëmijët autikë në dy qendrat rajonale për autizëm .

Misioni i Fondacionit “Fëmijët shqiptarë” dhe presidentes, doktoreshë Liri Berisha ka gjetur jehonë të veçantë tek një prej botimeve më serioze të institucioneve evropianë që merren me fëmijët autikë në Evropë. Përmes revistës “Link”, organizata “Autism Europe” i ka dedikuar një hapësirë të posaçme publikimit të punës dhe arritjeve të shumta që Fondacioni dhe presidentja e tij Liri Berisha ka shënuar për fëmijët autikë shqiptarë, duke ngritur një realitet mbështetës dhe plot shpresë. Në këtë artikull ndër të tjera publikohen të dhëna mbi shërbimin dhe punën e jashtëzakonshme që ekspertet dhe mjekët e fushës bëjnë çdo ditë për fëmijët autikë në dy qendrat rajonale për autizëm. “Ndërtimi i një të ardhme më të mirë përmes edukimit”, është filozofia e punës me këta fëmijë të cilët gjejnë tek stafi i qendrave dhe tek doktoreshë Berisha përkushtimin dhe dashurinë për një tashme dhe të ardhme me shumë mundësi dhe një jete me standarde sa më normale”-thuhet në këtë artikull.

Të ngritura në vitin 2011 dhe në vitin 2015, dy qendrat trajtojnë dhe mbështesin mbi 100 fëmijë nga mosha dy deri në tetëmbëdhjetë vjeç me programe dhe kurrikula të cilësisë me standarde tërësisht evropiane.

Organizata “Autism Europe” e cila evidenton misionin fisnik të Fondacionit në këtë artikull, është organizata lider më e madhe europiane për çështjet e Autizmit. Ajo përbëhet nga 80 organizata dhe shoqata nga 30 vende të ndryshme të Europës dhe ka një ndikim të fortë në lobimin për çështjen e të drejtave të personave me autizëm.

8 Janar 2016

Fondacioni vizitë në shtëpinë e katërnjakëve.

/in /by

Fondacioni vizitë në shtëpinë e katërnjakëve.


Ata erdhën në jetë të katër-ët së bashku 9 vjet më parë, duke sjelle jo vetëm gëzim të madh në shtëpinë e tyre dhe tek të afërmit, por edhe shumë dilemma dhe pasiguri për mirrërritjen e tyre.

Në këtë fundvit ata nuk rrethohen më nga dashuria e mamit Lindita që I solli në jetë pasi një sëmundje e rëndë ja mori jetën pak muaj më parë. Fondacioni Fëmijët Shqiptarë I cili ka mbështetur prindërit çdo vit në rritjen e këtyre fëmijëve, së bashku me përfaqësueset e bordit znj. Elizabeta Gjoni dhe znj. Elvana Hana, vizituan në prag festash shtëpinë e katërnjakëve duke I gëzuar fëmijët me dhurata të personalizuara.

Doktoreshë Liri Berisha tha se të gjithë donin të vinin për të parë se sa ishin rritur këta fëmijë, se sa të bukur janë bërë dhe për ti gëzuar me një dhuratë . Dhuratat janë përgatitur nga I gjithë stafi fondacionit duke I përshtatur për fëmijët.


Ajo u shpreh: – “Unë sot do të doja ti besoja asaj përrallës së ëngjëjve që rrinë në qiell dhe që shohin se ç’bëhet në tokë. Do të doja që Lindita sot të shikonte se sa shumë miq keni ju sot në shtëpi, se sa të gëzuar bashkë me këta njerëz e bëni vitin e ri. Do të doja që ju sot të ishit të lumtur dhe të gëzuar jo vetëm me njëri-tjetrin por edhe me shokët tuaj”.

Familja Cala e cila gezonte një djalë me të madh kur katërnjakët erdhën në jetë, u ndihmua në atë kohe nga qeveria me nje shtepi .Gjyshja dhe babai I Marios, Albionës, Luisit , Simonit, dhe djalit më të të madh Enit, falenderuan fondacionin për ndihmën e pakyrsyer që në lindje të tyre.


Gjatë bashkëbisedimit me babain e papunë, Dr.Liri Berisha dhe përfaqësuesit e bordit morën përsipër t’i ndihmojnë në vashdimësi fëmijët si në anën materiale ashtu edhe në përkujdesjen shëndetësore me qëllim mirërritjen e tyre.

27 Dhjetor 2015

Festa e fundvitit në Qendrën Rajonale për Autizmin në FARKE.

/in /by

Festa e fundvitit në Qendrën Rajonale për Autizmin në FARKE.

Një ditë për të mos u harruar ishte festa në Qendrën Rajonale për Autizmin në Farkë. Femijë të qendrës, së bashku me motrat , vëllezerit , prindërit e gjyshërit e tyre, si dhe stafi i Fondacionit Fëmijët Shqiptarë, festuan të gjithë së bashku,harëshem festat e fundivit.

Kete vit ketij organizimi festiv ju bashkangjit edhe ambasadorja kineze ne vëndin tonë Sh.S.Znj. Jiang Yu dhe stafi I grave të trupit diplomatik të kesaj amabsade të cilat më herët vizituan qendrën rajonale për autizmin në Farkë dhe zhvilluan një takim me Dr.Liri Berishën. Duke sjellë për fëmijët edhe disa dhurata amabasadorja kineze Sh.S.Znj. Jiang Yu dhe dr. Liri Berisha uruan fëmijët dhe familjarët e tyre për festat duke u përcjelle atyre më shumë gëzime dhe shëndet në vitin që po vjen.

Mes këngëve, lojrave , dhuratave dhe fotografive që fiksonin momentet më të veçanta të festës, dr.Liri Berisha përcolli urimin për fëmijët, prindërit dhe stafin e terapistëve të të dy Qendrave Rajonale për Autizmin.