Fondacioni Fëmijët Shqiptar në kuadër të ditës botërore të Talasemisë  mblodhi së bashku në Tiranë  në një simpozium shkencor, mjekët më të mirë pediatër te Onkohematologjise të Spitalit të Fëmijëve  Saint Anna në Vjenë të Austrisë dhe kolegët e tyre të Qëndrës Spitalore Universitare “Nënë Tereza” në Tiranë, me qëllim nisjen e një bashkëpunimi  dypalësh për trajtimin e pacientëve të vegjël shqiptarë të prekur me sëmundje  gjaku.
Simpoziumi shkencor  mbi Pediatrinë Hematologjike dhe Onkologjike solli qasjet më të fundit mbi sëmundshmërinë onkohematologjike në moshën pediatrike , standartet ndërkombëtarë që përdoren për trajtimin e tyre, strategjitë që ndiqen në diagnostikim dhe trajtim etj.
    Dr.Liri Berisha në fjalën e mirëseradhjes tha se Fondacioni Fëmijët Shqiptar, me një ndjeshmëri të lartë ndaj fëmijëve të prekur nga kjo sëmundje gjaku, u angazhua maksimalisht për të sjellë në Tiranë eksperiencën ndërkombëtare të një prej spitaleve më të specializuara në trajtimin e sëmundjeve të gjakut dhe kancerit në moshat pediatrike: atë të  spitalit të fëmijëve  Saint Anna në Vjenë të Austrisë i cili për disa  dekada, në kontakt me qëndra të ndryshme kërkimore shkencore, ka ngritur një shërbim të stadarteve më të specializuara në drejtim të diagnostikimit,  trajtimit dhe ndërhyrjeve tek pacientet e prekur me sëmundje gjaku, të cilat shkojnë deri në kryerjen e transplanteve të qelizave burimore.
    Për Fondacionin, tha zj.Berisha, Talasemia  ka përbëre një nga shtyllat e misionit  të saj. Që në fillim të punës së tij, përpjekjet u përqëndruam në mbështetje të fëmijëve me këtë sëmundje, duke kontribuar ne lehtesimin e jetes se tyre dhe prinderve, duke bashkepunuar ngushte me mjeke te perkushtuar si dhe shoqaten e prinderve.
Kushdo që i ka ndjekur me vëmëndje këto zhvillime vëren me bindje se falë përpjekjeve të vashdueshme të Fondacionit, vitet e fundit është bërë progres në lidhje me trajtimin e pacientëve talasemik. Falë këtyre përpjekjeve Instituti i  Sigurimeve të  Kujdesit Shëndetësor ka mundësuar rimbursimin e një medikamenti që ka ndryshuar cilësinë e jetës për këta fëmijë. Vendosja e Deferasirox 250 mg (Exjade)  në listën e barnave të rimbursueshme në 2005,  u cilësua një “revolucion” në trajtimin e kësaj sëmundjeje. Preparati, një tabletë e vetme nga goja  para transfuzionit, zëvendësoi infuzionet 24 oëshe traumatike të Desferealit. Të dhënat e rimbursimit të këtij bari nga ISKSH, tregojnë se kemi një rritje me rreth 50 pacientë më shumë që nga 2007-ta. Aktualisht me këtë medikament mjekohen rreth 156 paciente.